Mato Adiak Masih Sarupo Dulu

Salasai mandi, si Upiak tagak lamo-lamo di muka camin di kamar nyo. Heran lah si Boceh mancaliak tingkah bininyo. 

Boceh : Sadang manga kau Piak? Baa dek lamo bana baputa-puta di muko kaco tu ?

Upiak : Caliak lah badan den kini Da, lah gapuak, karuik mato alah nampak bana, kulik adiak ndak sarancak dulu lai, rambuik lah ba uban pulo.

Boceh : Ndak baa doh, masih ado nan ndak barubah mah....

Upiak : (sanang hatinyo) Apo nan ndak barubah di Upiak Da?

Boceh : Mato Upiak elok juo baru, lai nampak juo beda dulu jo kini di camin..

Upiak : Uda jaeeeeeeeekkkkkkkkkk *@^$(*&&@&(*&(@&(*%&

(parang dunia katigo di mulai)

Si Boceh ka Psikiater (2)

Boceh : Dok, alah satahun ko awak ndak bisa lalok, apo ubek nyo Dok

Dokter : Apak lah lalok siang nyo ndak ?

Boceh : Indak Dok, baa ka lalok siang, awak kaajo mah

Dokter : Pak marokok ? Ngopi atau minum alkohol ?

Boceh : Ondeh....  indak Dok, awak ndak marokok doh, ngopi sasakali sajo, kalau alkohol, kan haram Dok

Dokter : hmmm, mungkin Apak banyak masalah, jaan baok masalah tu sampai ka tampaik tidua

Boceh : tapi bini ambo ndak bisa lalok surang Dok.....

Dokter : Ondeh,,,,,,,