Boceh : Senyummu Itu

Si Boceh sadang duduk di ruang tunggu bandara. Sadang tamanuang, nampak dek nyo padusi rancak sadang mancaliak si Boceh pulo sambia senyum ka si Boceh

Gadang bana ati siBoceh.

Senyum pulo lah siBoceh ka padusi rancak tadi.

Baitu lah baulang ba kali².

Kaduonyo saliang babaleh senyum.

Tibo² padusi rancak tadi pindah duduak ka sabalah siBoceh. 

"Uda, mancaliak senyum uda tadi, main lah katampaik adiak yo" sambia senyum nan mambuek siBoceh paniang.

"I.. i. iyo, jadih, tapi lai ndak baa dek suami adiak.."

"Indak itu mukasuik adiak, adiak ko dokter gigi, datanglah yo Da"

Si Boceh langsung pindah duduak, ndak barani senyam senyum lai.

Makan lah

Urang sadang bakumpua di rumah si Boceh, antah acara apo lah kini tu.

Lah salasai urang makan, baru si Codong datang.

Boceh : Makan lah dulu Codoang

Codong : Waden lah makan Ceh

Boceh : Makan lah dulu, agak saketek bagai

Codong : Ndak talok lai Ceh, tarimo kasi

tapi si Boceh, manyasak an si Codong ko taruih bia ikuik makan, heran lo si Codong jadi nyo

Codong : baa kok basasakan bana waden makan Ceh, curiga lo den jadinyo

Boceh : kalau waang ndak makan, sagan pulo den minta tolong manyuci piriang beko

Codong : :$*@&#^@& waang mah ^#*##^*#*@&#

Neneknyo, tantu iyo labiah dulu

Si Codong sadang marabo-rabo di antrian bandara Soeta.

Si Boceh : "baa kok marabo-rabo waang? Hari pagi baru ko ha."

Codong : "Iko ndak bana antriannyo, awak lah lamo antri, nenek nyo sajo nan di panggia dari tadi"

Tacangang lah si Boceh mandanga garutu si Codong, sajak bilo pulo urang mamanggia nenek nyo

Si Boceh : "Gilo ang Codoang, maa pulo urang mamanggia nenek nyo"

Si Codong : "Danga bana lah dek ang Bocek, tiok nan dipanggia pasti nenek nyo sajo nan panggia, bilo giliran awak?"

Si Boceh : "Yo gilo waang mah, nan nyo sorak an tu "next", ndak " nek" doh, pareso lah talingo ang tu ka dokter gigi"

Minta Perawat Nan Rancak

Mak Sudi tapaso di rawat di Rumah Sakik, sabalun dapek kamar, inyo nio basuo jo dokter dulu.

Mak Sudi : Dok, bara lamo kiro-kiro waden ka dirawat di siko?

Dokter : Minimal saminggu Mak, baa tu.

Mak.Sudi : Carikan perawat nan rancak untuak manjago den yo

Dokter (tacangang) : Mak lah tuo, jaan padusi juo nan Mak pikia kan..

Mak Sudi : ndak itu nan ambo pikiakan Dok, Ambo ka saminggu di siko, Kalau perawatnyo rancak, tantu anak2 ambo rajin datang mancaliak ka mari..

Dokter (galak gadang) : Iyo santiang Mak Sudi mah, bia ambo carikan perawat nan paliang rancak.....

Samo Sajo Kaduonyo

Sabtu pagi si Boceh sadang lari pagi dakek rumah mak Sudi, tibo-tibo ado urang padusi gilo lewat.

Rang gilo tu basorak-sorak sapanjang jalan, "Ronaik.. Ronaik  .. Ronaik" 

Dek heran, Boceh langsuang pai ka rumah mak Sudi batanyo

Si Boceh : Mak, dek a padusi tu?

Mak Sudi : Nyo nio bana jo si Ronaik, tapi si Ronaik mamiliah gadih lain, gilo nyo jadinyo.

Si Boceh : oo mantun yo mak

tibo-tibo ado pulo rang gilo padusi lewat sambia basorak-sorak pulo, "Ronaik.. Ronaik  .. Ronaik" 

Si Boceh : itu baa pulo citonyo mak?

Mak Sudi : Itu nan kawin jo si Ronaik, gilo juo sudah nyo

Pakai Subang

Si Boceh tacangang mancaliak si Codong lah pakai subang di talingonyo.

si Boceh : Codong, lah pakai subang pulo waang kini?

Codong : Iyo, baru baraja baru (sambia malu2)

si Boceh : Sajak bilo pulo waang mulai baraja pakai subang?

Codong : Sajak bini den mancaliak ado subang ciek di kursi bulakang oto den

si Boceh : ondeh.. mati lah ang Codong 😀😀😀

Tagageh

Wak patang ka Surabaya, 2 hari, sabana tagageh bana urang di sinan...

Satangah anam nyo alah mahrib

Tapi labiah tagageh pulo urang japang kironyo,

Ndak nio nyo manunggu lauak di masak doh.. matah2 nyo makan langsuang

(SiBoceh)