Bagadang di Pos Rundo

Dek acok di protes bininyo, sakali ko si Boceh mambaok bininyo ka tampaik si Boceh acok bakumpua tiok malam di rumah di suduik komplek.

Pulang dari situ, lansuang bininyo komen : Ondeh apo lah lamaknyo di sinan tu, main catua, kapalo nan ka paniang, kopi nyo indak pulo lamak doh, baun asok rokok, banyak nyamuak, makanan ubi jo pisang abuih, lagu no lagu dangdut, TV ketek pulo, gambarnyo alah hilang timbua....

Boceh : Makonyo Diak, jaan di anggap ambo pai basanang-sanang tiok malam ka situ.......

Reuni SMA (2)

Dek alun banyak nan datang, dari jauah si Boceh alah mancaliak si Sompong datang di acara Reuni 25 tahun tamaik SMA. Si Sompong terkenal paliang sombong, dari wakatu sikola sampai kini.

Si Boceh mangecek ka si Codoang : Waang diam sajo yo. Bia waden nan mangecek jo paja sombong ko.

Datanglah si Sompong ka tampaik si Boceh jo si Codoang.

Sompong : Baa kaba Boceh?

Boceh (cak icak ndak kenal) : nggg baiak. Awak baa?

Sompong : Lupo waang jo waden yo. Awak dulu samo-samo di kelas 3 IPA 2 mah.

Boceh (pasang tampang bego) : ooo iyo, apak dulu jadi guru apo? Alah lupo awak Pak.

Sompong : Kalegha waang mah, mantang-mantang alah tuo bana bantuak muko den mah...

=============
Cito reuni lain, silahkan klik di siko

Pelajaran Sopan Santun

Sasudah baraja tantang sopan santun di kelas, duduak lah Si Codoang, Si Awen jo Si Boceh di lapau ibuk di sabarang sikola.

Katigonyo bacarito tantang pelajaran tadi, sambia mambandiangkan jo apo nan di caliak di rumah surang-surang.

Si Codoang : Apak den kalau tibo di rumah jo ka pai bajalan pasti maagiah salam Assalamualaikum ka sado nan ado di rumah.

Boceh jo Awen : Iyo hebat apak ang Codoang

Codoang : Inyo tamaik pesantren dulu, tantu iyo sarupo itu.

Awen : Mamak den, Mak Sudi, kalau mangecek samo urang, kato-katonyo sopan bana, sanang urang mengecek jo inyo.

Codoang jo Boceh : Iyo hebat mamak ang Awen.

Awen : Inyo pensiunan guru, tantu iyo sarupo itu

Boceh : Nenek den di kampuang kalau inyo batuak atau inyo basin , pasti nyo tutuik muluik nyo. Kan co itu nan di tarangkan guru tadi...

Codoang jo Awen : Iyo hebat nenek ang Boceh

Boceh : Iyo, kalau ndak ditutuik,  beko talompek gigi palsu nyo kalua.

Buku Pintar

Si Boceh sadang hobi batukang. Dek baru baraja, rajin lah nyo batanyo jo mambaco buku. Sore hari pulang karajo, singgah lah nyo di toko buku punyo si Sudi.

Boceh : Mak Sudi, lai ado buku nan rancak. Ambo nio baraja mambuek kurisi dari kayu.

Bakuliliang lah mak Sudi mancari buku. Ndak lamo sudah tu, mak Sudi datang mambaok buku nan dicari.

Sudi : Iko buku nan cocok untuak waang Boceh, kalau lah ang baco, satangah karajo waang lah salasai mah.

Boceh : Kalau co itu... ambo bali buku tu duo buah ......

Asal Usul Manusia (2)

Kelas si Boceh terkenal paliang heboh. Kapalo suku nyo sia pulo lai kalau ndak si Boceh.
Dek karano guru-guru di sikola tu ka rapek, bia ndak heboh, tiok kelas di agiah tugas.

Guru : 3 jam ko. Ambo ndak ikuik di kelas, tapi ado tugas yang harus di salasaikan. Kalau tugas tu alah salasai, sadonyo buliah pulang.
Tugas nyo untuak diskusi tantang asal usul manusia, manuruik kelas ko, apo kah manusia berasal dari baruak atau dari manusia juo. Kalau kesimpulan alah ado, baritahu ambo. Sudah tu buliah pulang.
Bia ndak heboh, bia si Boceh nan mamimpin diskusi.

Sasudah maagiah tugas tu, pak Guru langsuang bagageh pai ka ruang rapek....

Tapi alun jauah bajalan dari kelas, tibo-tibo si Boceh alah maimbau guru tadi.

Boceh : alah buliah pulang awak Pak?

Guru : diskusi lah dulu. Kalau alah ado kesimpulan nyo. Baru buliah pulang.

Boceh : Alah ado kesimpulan nyo pak Guru. Manusia sadonyo asanyo dari manusia juo.

Guru : (tacangang) Baa caronyo kok capek bana maabiak kesimpulan?

Boceh : Awak tanyo ka kawan-kawan, sia nan asanyo dari baruak pindah duduak ka belakang, nan asa dari manusia pindah ka muko.... eee sadonyo pindah ka muko.. berarti kesimpulan nyo... manusia asanyo manusia juo.

Guru : £#;$£×*#

========

Carito tantang asal usul manusia nan lain, klik di siko

Sumbangan

Anak si Boceh balari ka balakang rumah mancari apaknyo.

"Pak ado urang datang minta sumbangan"

Boceh : Sumbangan untuak apo?

"Untuak kolam renang nan baru, nan di muko komplek Pak.

Boceh : Oo agiahlah aia sa embe ka nan minta sumbangan tu.

Selamat Tahun Baru 1436 Hijriyah

Selamat tahun baru 1436 Hijriyah. Semoga semua salah dan dosa di tahun 1435 H bisa kita perbaiki dan diampuni Allah, dan tahun 1436 H menjadi tahun emas bagi kita semua. Aamiin Yaa Rabbal 'aalamiin.

Baa Caro No Mambuek Banjir?

Indak singajo, si.Codoang jo si Boceh basuo di notaris. Kaduonyo kironyo ka mambali rumah.

Codoang : Lah lamo awak ndak basuo, manga waang ka mari Boceh?

Boceh : Waden ka mambali rumah. Waang manga ka siko Codoang?

Codoang : Samo awak mah, waden ka mambali rumah, rumah den nan lamo tabaka, di ganti dek asuransi, den bali rumah baru di siko.

Boceh : Samo wak mah, waden ka mambali rumah, rumah den nan lamo kanai banjir, di ganti dek asuransi, den bali rumah baru di siko.

Codoang : Ooo samo cito wak yo. Tapi baa caronyo waang mambuek banjir Boceh ?

Boceh : &$€¥×&@^@&@£×

Si Boceh Sakik Gigi (3)

Si Boceh sakik gigi pulo (baliak). Pai lah inyo ka dokter gigi langganan nyo.

Salasai di pareso, diagiah ubek, tagaklah si boceh ka pulang. Tibo-tibo dokter giginyo mangecek :

Dokter : Boceh buliah ndak mintak tolong bana sakali ko?

Boceh : Minta tolong apo tu dok? Serius bana nampaknyo ko mah?

Dokter ; Lai namuah Boceh basorak sakareh-karehnyo, bantuak urang sakik di cabuik gigi ndak pakai ubek bius?

Boceh : (tacangang) Untuak apo tu Dok, takuik lah pasien nan lain mandanga. Pulang kasadonyo beko.

Dokter : Iyo itu bana... waden lah janji ka manjapuik rapor anak den. Pasien banyak juo baru nan antri.

Boceh : ha ha ha..  iyo galia dokter mah

==========
Carito si Boceh sakik gigi nan lain klik di siko jo di siko

Reuni SMA

Boceh : Hooi, ondeh ndak barubah awak yo.. awet muda bana, lah bara anak kini?

Kawan SMA : awak.....

(Dipotong langsuang)
Boceh : Baa dek awet co iko... apo nan bamakan

Tibo tibo ado nan manapuak bahu si Boceh dari belakang, langsuang mangecek : Itu anak ambo Boceh

(Salah caliak si Boceh kironyo)

========

Cito reuni lain ado di siko

Pistol Aia

Si Boceh protes ka apaknyo.

Boceh : Pak, baa dek apak balian pistol aia untuak anak Den? Kan apak pernah carito, kalau dulu, wakatu den apak balian pistol aia, sadonyo den tembak, rusak sado barang elektronik apak. Lah lupo apak caritonyo?

Angku (apak nyo Boceh) : Takana bana dek den mah, takana bana... kini giliran waang lai Boceh :) :)

Boceh : Ondeh..... (dalam hati : baleh dandam apak wak mah)

Anda sudah tua kalau :

Anda sudah tidak tidur seranjang lagi dengan.... gigi Anda.

Bersiul sambil sikat gigi adalah hal yang mudah

Reuni dengan teman sebaya seperti sekumpulan anak SD, semua datang dengan gigi baru.

Anda selalu duluan dalam antrian apapun, bareng ibu hamil dan balita

Setiap bercerita, selalu dimulai dengan,"Dulu......"

Pakaian yang sudah Anda simpan lama, kembali jadi trend

Merasa sangat hebat bisa menemukan mobil.yamg tadi Anda parkir

Anda menjadi begitu romantis, selalu memanggil pasangan Anda dengan kata "Sayang", karena.. Anda lupa nama nya

(Khusus laki-laki) Satu-satu nya ulang tahun yang Anda ingat adalah ulang tahun istri Anda, karena sekali waktu dulu pernah ada perang dunia gara-gara Anda lupa hari ulang tahun nya.

Anda berulang kali mencari kacamata yang Anda pakai

Waktu Anda mulai bekerja dulu, Apple dan Blackberry hanya bisa di beli di toko buah.

Anda berpikir kalau "content" yang dibicarakan tentang Apple dan Blackberry adalah kandungan vitamin dan gizinya, bukan kecepatan koneksi atau resolusi layar.

Tasa takut naik kursi goyang mulai sama dengan rasa takut kayak dulu naik roller coaster (+1 Nov 2014)

Polisi menilang Anda karena ngebut... tapi dengan alasan bahwa kalau nggak ngebut dan sampai di tujuan lebih cepat, Anda akan lupa tujuan awal Anda mau kemana.

Polisi akhirnya melepas Anda (+2 Nov 2014)

Si Boceh Sakik Gigi (2)

Gigi si Boceh sakik pulo baliak. Tapaso lah nyo pai ka dokter gigi.
Salasai dipareso, wakatu ka mambaia biaya dokternyo, takajuik si Boceh. Angkonyo tigo kali lipek dari biaso.

Boceh : Baa ko Dok, kok maha bana kini, tigo kali dari biaso.

Dokter : Tadi wakatu dicabuik gigi, apak mangaduah kareh bana. Duo orang pasien ambo pulang dek takuik mandanga suaro apak.

Rang Sabalah Rumah

Si Boceh sadang sorang sajo malam ko di rumah, tibo-tibo tadanga suaro urang manokok pintu rumahnyo.

Kironyo nan datang rang sabalah rumah, si Upiak, jando nan terkenal paliang rancak di kampuang.

Boceh : Ado apo Piak, manga Piak malam-malam ka mari.

Upiak : Uda, Uda kan tau ambo surang sajo, ambo kesepian Da, ndak ado nan mangawani, Uda sibuk ndak malam Ko?

Mandanga itu, Bagageh si Boceh manjawek manjawek : Indak, Indak sibuk doh, ambo alun ado rencana malam ko doh.

Upiak : Kalau baitu, buliah Upiak minta tolong Da? (pasang senyum genit)

Boceh : Buliah, buliah

Upiak : Upiak ka pai jo kawan-kawan, anak-anak Upiak titip di siko yo Da ...

Boceh : ^$*@?#*@*@&

Valet Parking

Rang sabalah rumah si Boceh, si Sudi lah terkenal paliang sampilik (pelit). Urangnyo alah tuo, tapi walaupun lah kayo gadang, tetap baretong bana kalau masalah pitih kalua.

Kini si Boceh manumpang jo oto rancak si Sudi pai ka mall. Sampai di mall, si Sudi langsuang baranti di tampaik urang malatak an oto kalau nio pakai Valet Parking.
Langsuang lah datang tukang valet ko, diparkirkan nyo lah oto si Sudi tadi.

Bapikia si Boceh, baa dek apak nan sampilik ko, nio pakai valet parking, biasonyo ado tambahan biaya apo sajo, langsuang marabo.
Mungin dek gengsi mah, pikia si Boceh.
Lamo-lamo ndak tahan juo si boceh mananyokan baa dek si Sudi nio pakai fasilitas valet tu.

Boceh : Pak, biasonyo apak ndak namuah mangalua kan pitih untuak nan sarupo valet tu doh. Baa tadi apak pakai valet?

Sudi : Waden kini taruih pakai valet parking.

Boceh : Iyo alah barubah bana apak kini mah... biasonyo apak baretong bana kalau pitih kalua tu.

Sudi : Iko ndak masalah pitih kalua doh Boceh...Iko masalah umua mah, waden lah palupo, kalau pakai valet parking waden ndak paralu mangana-ngana di ma den parkir tadi doh.

Diettttttt

Si Boceh sadang diet. Kecek dokternyo jaan makan nan berlemak juo lai.
Iyo cando ka runtuah dunie mandanga larangan dokter tu.
Kini si Boceh sadang bacarito ka si Codoang tantang pengalaman dietnyo.

Boceh : Tadi waden lewat di muko kadai si Awen, tampaik langganan den tu. Dari jauh waden lah niaik ndak ka singgah, ndak ka makan di situ dek karano sadang diet.

Tapi dek takana lamaknyo gulai tunjang jo samba lado si Awen tu, waden rubah niaik den saketek

Codoang : Apo niaik waang nan baru tu?

Boceh : Kalau waden dapek parkir persis di muko kadai si Awen tu, baru den singgah, kalau ndak dapek, waden ndak singgah.

Codoang : Rancak tu mah, payah mancari parkir kalau ka kadai si Awen tu, urang rami taruih.

Boceh : Tapi lai dapek juo den parkir di muko pintu kadai si Awen tu bana.

Codoang : Iyo baruntuang bana waang mah. Pas datang pas kosong pulo tampaik parkir nyo.

Boceh : Ndak co itu bana doh. Dapek parkirnyo sasudah tujuah kali baputa-puta dakek situ.

Codoang : Kalegha.. itu waang bana nan niaik ka makan di situ mah.

Ubek si Codoang

Si Codoang datang ka tampaik si Boceh jo muko lusuah bantuak baju ndak di pernah di tarika.

Boceh : Baa dek lusuah bana muko waang Codoang?

Codoang : Baa ndak ka rusuah, gara-gara sakik kapatang, kecek dokter waden harus makan ubek iko ciek tablet satiok hari salamo hiduik den (sambia mancaliak kan ubek nan baru di ambiak dari apotek)

Boceh : Tanang lah, banyak urang nan co itu juo. Harus minum ubek nan samo saumua hiduik.

Codoang : Indak itu nan den rusuahkan doh.

Boceh : Apo tu?

Codoang : Dokter maagiah ubek cuma 30 buah nyo.

Hasil Survey si Boceh (Jumlah Kato)

Codoang : Boceh, baa dek padusi tu labiah nyinyia dari pado laki-laki ?

Boceh : Ndak sarupo itu doh Codoang, kaduonyo samo sajo nyinyia nyo

Codoang : Baa lo kok samo dek waang ko?

Boceh : Ambo ndak sambarang mangecek doh, iko hasil survey mah.

Codoang : Apo hasil survey nyo tu.

Boceh : Banyak kato-kato nan kalua dalam sahari dari muluik padusi jo laki-laki tu samo banyaknyo. Kiro-kiro 10.000 kato sahari.

Codoang : Ooo co itu yo?

Boceh : Iyo, tapi ado beda nyo saketek

Codoang : Apo tu bedanya?

Boceh : Kalau laki-laki 10.000 kato itu dari pagi sampai malam, kalau padusi  dari laki-laki pulang karajo sampai malam.

Pakaian Dalam

Dek baru tarimo gaji, bini si Boceh, pai ka pasa. Dek sayang ka laki, di balikan nyo lah pakaian dalam untuak si Boceh.

Boceh : Ondeh, baa dek samo sajo warna jo bantuak e sadonyo? Kalau di caliak urang tantu di sangko urang tu waden ndak pernah baganti pakaian dalam.

Bininyo tadiam, sudah tu batanyo ka si Boceh : Urang nan ma nan uda mukasuik nan ka mancaliak?

Kini si Boceh nan tadiam...

Kecelakaan

Boceh : Diak, uda kecelakaan, wakatu ka pai ka tampaik si Upiak, oto sadang kancang, pas babelok, ban pacah, oto tabaliak, saketek lai masuak jurang

Lamo ndak ado tadanga jawaban apo-apo dari bini si Boceh doh..

Tapi akhirnyo bininyo manjawek juo : Si Upiak nan ma Da?

***

Bulan Madu

Dek lah paniang di tanyo taruih dek kawan-kawan SMA nyo, akhirnyo si Boceh manikah juo.

Wakatu bulan madu. Dek sayang ka bini, bangkik rajin si Boceh ko.
Pagi alah ka dapua si Boceh ko. Nyo buek kan lah nasi goreng jo teh angek untuak badua. Bini nyo ndak buliah ka dapua doh dek sayang nyo

Iyo sabana sanang bini si Boceh ko.

Bisuak pagi co itu juo baru, ado pulo roti baka jo kopi untuak baduo.. antah kama ka di cari laki co iko, baitu pikia bininyo.

Lah saminggu sarupo itu taruih, lah habih wakatu bulan madu. Ka babaliak ka rumah baliak.

Mangecek lah bini si Boceh ko : Uda iyo elok bana, sanang bana adiak, tiok hari uda siapkan makanan untuak adiak. Tarimo kasi yo Da.

Boceh : Iyo. Jaan sanang dulu. Co itu nan den nio tiok hari.. mulai bisuak giliran kau lai nan mamasak yo..

Botak

Pak, baa kok kapalo apak saketek bana rambuik nyo?

Boceh : itu dek apak banyak bapikia mah.. makin banyak bapikia makin banyak hilang rambuik e

Anaknyo : oooo... kalau baitu baa dek amak banyak juo rambuik e Pak?

Boceh : (bapikia : ondeh baa lah manjeweknyo ko ha) antahlah tanyo se lah ka amak waang

Ndak Sayang Lai

Sasudah makan malam, bini si Boceh antok sajo ndak basuaro.. mambuduik taruih.
Paniang si Boceh mancaliak buduik nyo..

Boceh : Baa dek mambuduik sajo dari tadi?

Bininyo : Uda ndak sayang jo ambo lai.

Boceh : Baa pulo ndak sayang?

Bininyo : Dulu kalau adiak masak, pasti uda makan saketek, potongan nan gadang uda agiahkan ka adiak... kini indak lai..udah habihkan dulu.. sisonyo saketek baru uda tinggakan.. kan ndak sayang namonyo lai

Boceh : Ooo itu..itu ndak dek uda ndak sayang lai ka adiak..

Bininyo : Apo juo namonyo kok ndak sayang..

Boceh : Itu dek karano masakan adiak kini labiah lamak..

Ada Anak Bertanya Pada Bapaknya (langau)

Anak si Boceh batanyo ka apaknyo : Pak, buliah langau wak makan?

Boceh : Ondeh.. jaan lah carito nan sarupo itu kalau sadang makan... salasaikan makan dulu... beko kalau alah salasai baru awak cito nan lain yo.

10 minik sasudah makan

Boceh : Apo cito tadi tu? Langau ndak buliah lah di makan... baa dek batanyo sarupo itu

Anaknyo manjawek : tadi ado langau di aia minun apak.. tapi lah habih pak minun... baa juo lai..

Si Boceh Dugem

Si Boceh di ajak si Codoang bajalan-jalan ka kota. Iyo banyak hiburan malam di sinan.
Masuak lah rang kampuang nan baduo ko ka situ. Ondeh mak, antah manga-manga sajo urang di situ.

Di caliak dek siboceh, iyo rato-rato nan ka situ parokok sadonyo.. sasak angok rang kampuang baduo ko di situ.

Pindah lah rang kampuangs ko ka suduik nan lain..tabulalak incek mato si Boceh mancaliak macam-macam padusi di sinan. Ado nan manari di panggung ado nan di ateh meja bagai.

Nampak dek si Boceh ado padusi nan gapuak manari di ateh meja tu.

Tapana lah si Boceh mancaliak padusi nan gapuak manari di ateh meja.

Mancaliak si Boceh tapana, batanyo lah si Codoang : "Baa dek tapana waang... suko pulo waang jo nan gapuak macam tu:

Si Boceh ndak manjawek.. tapana juo nyo baru mancaliak padusi gapuak manari di ateh meja tu.

Dek ndak manjawak, di tinjunyo bahu si Boceh dek si Codoang. "Hoooi ...Baa dek tapana waang... suko pulo waang jo nan gapuak macam tu"

Si Boceh manjawek...."Iyo rancak kaki nyo"

Codoang : Ondeh ... iyo lah batuka salero waang Boceh...lah suko pulo waang mancaliak kaki si gapuak tu.

Boceh : Waden ka mambaok nan sarupo itu ciek pulang"

Codoang : Haah... bini waang kama ka di campak an? Baa dek si gapuak ko pulo nan waang piliah?

Boceh : Ndak si gapuak tu doh......
Meja nyo waden suko.. kalau kaki meja tu ndak rancak ndak ka bisa bagai si gapuak tu manari di situ doh..
Lah patah mah...

Codoang : Kalegha.. den pikia kaki si gapuak nan waang caliak.... kironyo kaki meja e....

Tabungan Basamo

Pak Boceh, kami dari bank BSN, iko produk baru yang cocok untuak apak.

Boceh : Apo tu kini?

Bank : produk tabungan basamo namonyo... ciek tabungan untuk dua urang.. jadi ndak paralu kaduonyo tanda tangan untuak setor atau tarik.

Boceh : Iyo rancak mah... ambo bukak lah..

3 bulan sasudah itu

Bank : Pak Boceh. Kami dari bank BSN, baa pandapek apak tantang produk tabungan basamo kami. Apak kan alah 3 bulan jadi nasabah.

Boceh : ndeh.. iyo cocok bana.... ambo nan setor taruih... bini ambo nan maambiak taruih..

Bank : ...........

Buliah Pinjam Dulu?

Codoang : Halooo

Boceh : Halooo

Codoang : Waang ko Boceh?

Boceh : Iyo... waden sadang flu mah.

Codoang : Buliah den pinjam pitih waang 500rb ?

Boceh : ..... beko den sampaikan ka si Boceh yo....

Codoang : ????

Boceh Minta Naiak Gaji

Boceh : Bos, capeklah naiak an gaji den bos..manyasa bos beko..

Bos : Baa dek manyasa pulo kalau ndak manaiak an gaji waang?

Boceh : Alah ado 3 perusahaan gadang nan manunggu den kini bos

Bos : Ondeh... perusahaan apo sajo tu...

Boceh : Telkom, PLN jo BNI bos

Bos : Ditarimo lamaran karajo waang di situ ? Iyo hebat waang Boceh.

Boceh : Indak co itu doh bos... tagihan nyo nan alah manunggu di rumah

Bos : ^$*@;$&#*

Buy One Get One

Sumbangan bangsa Indonesia untuk ilmu marketing

Tagak Sorang

Antah baa lah mulonyo, guru di kelas si Boceh marabo-rabo sajak tadi..
"Kok ado nan maraso bodoh di kelas ko tagaklah... bia den buek kelas khusus sore beko"

Tadiam lah sado murik di kelas tu...

Tibo-tibo si Boceh nan duduak di suduik belakang lansuang tagak.

"Waang nan maraso bodoh?"

Boceh : Ndak Pak... awak ibo mancaliak apak tagak sorang sajo....

Tanda Tangan di Dalam Gelap

"Pak, lai bisa apak mambuek tando tangan tapi ditampaik galok ndak ado cahayo?"

Boceh : Kalau cuma tando tangan bisa lah, kan ndak payah bana doh... apo nan ka di tanda tangani tu?

"Raport Sikola den Pak"

Lalok di Kelas

Sakali ko Guru nan maaja di kelas si Boceh iyo guru nan terkenal cerewet jo nyinyia bana
Kalau bangkik nyinyia nyo bisa mangecek dua jam di muka kelas maagiah nasihaik ka murik-murik di kelas.
Dek sadang kalua nyinyia nyo baceliteh lah guru tadi ndak baranti-baranti. Tibo-tibo di caliaknyo si Codoang lah manakua dek talalok di meja belakang.

Guru : Boceh, waang jagokan si Codoang tu. Indak sopan bana, guru sadang mengecek, inyo bae pulo lalok. Iyo santiang-santiang parangai anak kini.

Boceh : Apak se lah nan manjagokan.

Guru : Baa dek ndak namuah waang manjagokan, takuik waang jo si Codoang?

Boceh : Indak takuik doh Pak.... tapi kan apak nan mambuek nyo lalok... apak lan nan manjagokan nyo.

Penjumlahan

Guru : Boceh, jawek pertanyaan ko yo. Kalau Boceh di agiah 2 kuciang + 2 kuciang + 2 kuciang, jadi bara ikua kuciang Boceh ?

Boceh : 8 bu Guru

Guru : Danga elok-elok pertanyaan nyo yo. Kalau Boceh di agiah 2 kuciang + 2 kuciang + 2 kuciang, jadi bara ikua kuciang Boceh ?

Boceh : 8 bu Guru

Guru : (bikipia.. baa lah caronyo... cubo di ubah pertanyaan nyo) Kalau sarupo iko baa, Kalau Boceh di agiah 2 ayam + 2 ayam + 2 ayam, jadi bara ikua ayam Boceh ?

Boceh : 6 bu Guru.

Guru : ( tacangang) Batua jaweknyo 6, tapi baa dek 2 kuciang + 2 kuciang + 2 kuciang jadi 8 ikua kuciang ?

Boceh : Waden lah ado kuciang 2 ikua di rumah bu Guru. Kalau ayam iyo alun ado lai.

Si Boceh Talambek (2)

Si Boceh talaik pulo baliak masuak kelas.

Guru : baa dek talambek waang Boceh.

Boceh : Waden mimpi main bola bu Guru, seru bana main nyo. Malawan anak SD sabalah tu ha.

Guru : Baa dek sampai talambek pulo dek mimpi main bola.

Boceh : Itulah buk Guru, draw skornyo... jadi perpanjangan wakatu. Talaik den ka sikola jadinyo.

Hasil Survey Si Boceh (PR)

Kawan akrab si Boceh ado nan banamo Indrut, urangnyo pandai, sikola di Bandung di tampaik sikola nyo urang pandai tu.
Si Boceh iyo agak grogi kalau basuo jo kawan nan sorang ko. Jadi bia nampak pandai, bacaritolah inyo ka si Indrut ko.

Boceh : Indrut, waden alah mambuek survey tantang caro anak-anak kini mambuek PR.

Indrut : Ondeh iyo hebat mah, baa hasil survey waang tu?

Boceh : Anak-anak kini, rato-rato mangarajokan PR salamo 90 minik.

Indrut : Baa dek lamo bana?

Boceh : Jaan co itu Indrut, mantang-mantang waang pandai, iyo sabanta dek waang mangarajokan PR mah. Tapi kan tadi waden kecekan iko rata-rata.

Indrut : Oo iyo pulo yo. Jadi baa hasil survey nyo tadi?

Boceh : Anak-anak kini kalau mangarajokan PR paralu wakatu rato-rato 90 minik.
10 minik mambuka tas jo mamisahkan buku-buku nya nan sampai salusin di baok tiok hari.
20 minik nonton TV dulu
20 minik chating
10 minik pai kabalakang
20 minik makan snack
10 minik minta tolong apak jo mande nyo mangarajokan PR

Sakik Badan Sadonyo

Boceh : Baa dek lusuah bana muko waang Codoang

Codoang : Antahlah, badan den sakik sadonyo.

Si Codoang malatakan jari tunjuaknyo di tangan nyo, lansuang Codoang  maraso sakik, di latakan di pahonyo, taraso sakik juo, di latakan di pipi, taraso sakik juo.

Boceh : Cubo ang latak an di tangan den ko ha. Sakik ndak.

Codoang : Ondeh ... sakik juo waang Boceh? (Sambia malatakan jari tunjuaknyo di tangan si Boceh)

Boceh : Dalang waang mah Codoang, jari waang tu nan sakik, pai lah ka doktor lai.

Iyo Itu Bana Nan Den Tulih

Anak si Boceh pulang sikola... latiah bana nampaknyo.

Boceh : Baa dek lusuah bana muko ang ?

Anaknyo : waden dapek nilai 5 baraja baretong tadi

Boceh : baa dek dapek 5? Apo nan di tanyo guru waang?

Anaknyo : Bara 3 x 2 ? Waden jawek 6

Boceh : Kan batua tu..kalegha guru ang mah...kok di salahkan

Anaknyo : Ndak itu masalahnyo Pak. Sudah tu di tanyo bara 2 x 3...

Boceh : kalegha soalnyo mah.. kan samo se jaweknyo tu

Anaknyo : Iyo itu bana nan den tulis Pak...

Boceh : Iyo kalegha waang mah

Salah Masuak

Dek tagageh nio barubek, si Codoang langsuang masuak ka ruang praktek dokter, duduak, sudah tu mancaroteh tantang sakik nan di rasonyo.

Codoang : Dado den acok sasak dok, sampai ta batuak-batuak den dek e.

Dokter : Mungkin dek mato apak kurang mancaliak mah.

Codoang (langsuang naiak tensi) ; sakik mato baa carito nyo ko dokter... dado nan sakik kok mato nan salah.

Dokter : Di muko alah den tulih ambo ko dokter hewan.. apak masuak juo...

Salah Tembak

Si Boceh basuo jo si Sudi, tukang jahik nan sajak ketek di kenalnyo.

Boceh : Baa ka ba da Sudi

Sudi : Baiak, bini den mudo juo baru, 23 tahun... baru punyo anak ketek umua tigo tahun...baa ndak ka sanang hati Den.

Boceh : alah mandanga cito kajadian  rang tuo baburu babi di rimbo patang ko.

Sudi : Lai sakileh den mandanga.. baa cito e sabananyo.

Boceh : Ado rang tuo lah batungkek co da Sudi tu, nan kareh bana nio ikuik baburu babi. Dek lah tuo, wakatu babi mandakek ka inyo. Ndak sanapan baburu nan nyo ambiak doh, tapi tungkek nyo. Nyo tembak babi tu pakai tungkek tadi. Mati langsuang babi tu.

Sudi : maa pulo bisa di tembak pakai tungkek. Pasti ado kawan nyo nan manembak mah.

Boceh : Haa.. iyo itu bana nan den mukasuik.....

1.000 atau 500?

Rumah si Boceh ndak jauah dari pasa Padang. Dek kalakuannyo sajak ketek, lah banyak nan kenal jo si Boceh di pasa tu.

Angku Sudi nan tukang jahik tu suko bana bagarah jo si Boceh. Sakali wakatu angku Sudi sadang jo langganan nyo, nan maantakan kain ka di jaik. Mengecek lah angku Sudi ko ka langganannyo tadi.

Sudi : Paja ko namonyo si Boceh... anak ketek paliang andia di pasa ko

Langganan : Baa tu mak? Baa lo caritonyo kok andia.

Sudi : Caliaklah dih. Santiang andia nyo paja ko

Sudi : Boceh kamarilah.... Iko pitih saribu, Iko pitih limo ratuih.. ambiak lah dek waang ciek.

Si Boceh mambiak pitih limo ratuih. Sudah tu lamgsuang balari ka tampaik kawan-kawan nyo.

Sudi : Lai nampak dek apak tu. Sabana andia paja ko ndak?

Sasudah salasai maukua baju nan ka dijahik bajalan lah langganan angku Sudi tadi. Ndak jauh dari situ nampak deknyo si Boceh sadang bamain jo kawan nyo.
Diimbaunyo lah si Boceh.

Langganan : Boceh.. baa dek andia bana waang. Di suruah mamiliah pitih saribu jo limo ratuih waang piliah limo ratuih. Ndak nan saribu doh.

Boceh : (sambia galak manih) kalau den ambiak nan saribu. Game over lah nyo Pak.. ma namuah nyo maagiah pitih co itu lai.

Di Super Market

Si Boceh sadang di super market, tibo-tibo nampak dek nyo cewek nan sangaik rancak. Di dakek i nyo lah  cewek tu.

Boceh : Diak buliah awak mengecek sabanta.

Cewek : ehh iyo Da. Buliah.. buliah...  ado apo..

Boceh : Ambo kahilangan istri ambo. Tadi kami samo-samo kamari. Tapi kini inyo antah kama. Alah di telpon ndak maangkek doh. Biasonyo kalau ambo mengecek jo cewek rancak, inyo tibo-tibo mancogok sajo. Ndak paralu di cari.

BBM Si Boceh jo Yayang nyo

Tukang Palak

Dek di baok untuang jo parasaian, si Boceh jo si Codoang kini bajaga di kaki limo. Kaduonyo basabalahan lapak di muko kadai urang.

Tibo-tibo datang ampek urang tukang palak. Badan gadang... baun... batato pulo.

TukPal : maa setoran hari ko.. 25ribu tiok lapak.

Bagageh lah Boceh mambuka dompet. Dikalua kan nyo pitih 50ribu sambia mangecek ka si Codoang di sabalahnyo.

"Ko 50ribu bayia utang den patang yo"

Happy Eid ul Adha 1435 H

Sesungguhnya daging ( qurban)  dan darahnya itu sekali- kali tdk akan sampai pd Allah, tetapi yg sampai adalah kpd Allah adalah ketaqwaanmu (qs.Al-hajj,37). Happy Eid ul Adha 1435 H... Mohon maaf lahir dan bathin ..

Desneldi

Cabuik Gigi

Si Boceh pai ka dokter gigi. Sampai di dalam ruang praktek, si Boceh langsung kalua nyinyia nyo.

Boceh : Dok, iko sakik lah lamo mah, jadi tolong cabuik sajo lansuang, kalau paralu nan di suok kida gigi nan sakik tu cabuik juo ndak baa doh.. kok ndak ado ubek bius juo ndak baa. Cabuik se lah.

Iyo tacangang dokter gigi mandanga kecek si Boceh

DokGi : Iyo barani bana apak mah, biasonyo pasien nan datang, ndak ado nan nio dicabuik doh, minta di ubek dulu biasonyo. Gigi ma nan sakik ? Co caliak an lah ka ambo

Boceh : Caliak an lah gigi kau nan sakik tu (sambia mancaliak ka bini nyo)

Uban

Anak si Boceh : Pak, baa dek rambuik apak ado putiah-putiah nyo?

Boceh : ooo iko barubah dari hitam jadi putiah satiok anaknyo mambuek ulah.. jadi elok-elok lah laku yo.. bia ndak banyak uban apak.

Anak si Boceh : oooo baru den tau..

Boceh : apo tu?

Anak si Boceh : Patuiklah rambuik kakek putiah sadonyo

Boceh : ,"&#,@*#;  (dalam hati) anak kalegha mah

Akuntan

Codoang : Baa bisnis ang kini Boceh?

Boceh : Parah... waden sadang mancari akuntan ko ha

Codoang : Kalau ndak salah bulan kapatang waang baru carito kalau ado akuntan baru di kantua waang..

Boceh : Iyo.. iyo akuntan itu bana nan sadang den cari..

Asuransi

Codoang heran mancaliak si Boceh galak surang.

Codoang : Dalang ang Boceh? Baa dek galak surang.

Boceh : Waden sanang mancaliak urang kalua dari kantua asuransi di subalah kadai den ko ha. Ang caliak lah nan baru kalua tu ha.. kaduo laki bini tu pasti lah mambali polis.

Codoang : Iyo lah. Tapi baa dek sampai galak surang pulo waang?

Boceh : Tabayang dek den, apo lah nan dipikiakan surang-surang tu.. sasudah mambali asuransi jiwa ciek surang.

Kalau Manikah Nanti

Calon : Kalau awak manikah nanti.. uda nio ndak baranti marokok?

Boceh : Pasti lah diak.. kan uda sayang samo adiak

Calon : Kalau awak manikah nanti.. uda nio ndak baranti chat sampai malam jo kawan-kawan SMA uda?

Boceh : Pasti lah diak.. kan uda sayang samo adiak

Calon : Kalau awak manikah nanti.. uda nio ndak baranti kalua malam jo kawan-kawan uda?

Boceh : Pasti lah diak.. kan uda sayang samo adiak

Calon : Apo lai nan nio uda baranti kan kalau gitu?

Boceh : Rencana awak manikah diak.... sansai den dek kau mah

Foto di Dompet

Codoang heran mancaliak dompet si Boceh... walaupun terkenal agak gilo-gilo tangguang... tapi alah 25 tahun kawin, si Boceh tetap malatakan foto bininyo di dompet nyo nan tipih jo lusuah tu.

Codoang : Boceh, waden iyo salut mancaliak waang.. alah salamo tu nikah tapi foto bini ang tetap waang baok.

Boceh : Iko penyumangaik hiduik mah... kalau den sadang susah.. sadang ndak barasaki, sadang kanai berang dek bos, waden caliak foto ko sambia mangecek dalam hati.... kalau 20 tahun labiah waden bisa jalani jo paja ko... harusnya masalah apo juo harusnyo bisa waden lewati.

Kalau Den Mati...

Si Boceh sadang duduk di teras belakang rumah jo bininyo, sambia makan lompong sagu jo kopi susu.

Bininyo : Da kalau den mati isuak, uda ka kawin baliak apo ndak?

Boceh : Ndak elok batanyo sarupo itu

Bininyo : Kan ndak baa. Namonyo sajo batanyo.  Ka kawin Uda baliak?

Boceh : ndak lah

Bininyo : Jadi ndak suko Uda manikah doh :

Boceh : Suko lah.

Bininyo : Baa ndak amuah babini naliak?

Boceh : Iyo lah.. waden nikah lah baliak

Bininyo : Ka Uda baok bini baru uda ka rumah iko

Boceh : mmm.. rumah nyo baru. Sayang ndak di pakai.

Bininyo : ka uda suruah inyo mamakai oto nan ambo pakai?

Boceh : mmm mungkin, masih baru kan

Bininyo : ka uda suruah pake perhiasan yg uda agiah dulu?

Boceh : mmm.. kalau inyo suko...

Bininyo : ka uda suruah pakai sipatu nan uda balikan untuak ambo?

Boceh : ndak lah.

Bininyo : baa kok gitu?

Boceh : sipatu adiak nomor 32 inyo nomor 36