Nilai Noll

Pak Guru... Baa den waden dapek nilai nol?

Antahlah Boceh.. Itu nilai nan paliang randah nan bisa apak tulis nyeh

Pulang Capek

Si Boceh pulang labiah capek dari biasonyo

Amak : Baa dek capek bana waang pulang sikola Ceh

Si Boceh : Tadi buk guru batanyo, waden surang nan bisa manjawek

Amak (bangga) : Ondeh, iyo santiang anak Den. Apo pertanyaan buk guru tadi ?

Si Boceh : Sia nan mambae kan kapua ka buk guru ?

Amak : ?.*{*>~£|€|

Foto di Kulkas

Si Codoang sadang batamu katampaik si Boceh. Takajuik si Codoang wakatu mambuka kulkas, ado foto padusi rancak pakai bikini dalam kulkas tu.

Codoang : Boceh, untuak apo ado foto padusi di kulkas tu?

Si Boceh : Itu bia tiok mambuka kulkas, bini den mancaliak foto paja tu nan kuruih tinggi, ndak jadi nyo maambiak makanan doh.

Codoang : Lai bisa kiruih bini waang dek e ?

Si Boceh : Lai.. anyo turun 10 kilo.. tapi waden naiak 15 kilo

Satangah Buku Hilang

Si Boceh : Codoang, waang punyo file ebook buku "Cara Menjadi Milioner" ?

Codoang : Lai, tapi satangah nan bisa di baco nyo.. total halaman nyo harusnyo 150 tapi sampai halaman 75 yang bisa di baco.

Si Boceh : Ndak baa doh.. 500 juta kan banyak juo tu

Pelajaran Bahaaa Indonesia (1)

Si Boceh : Buk, Saya tidak punya pena doh Buk

Dek nio mamelokan bahaso Indonesia nyo si Boceh,  Bu Guru nyo langsuang mengoreksi kalimat si Boceh tadi.

"Saya tidak punya pena"
"Kami tidak punya pena"
"Kita tidak punya pena"

Si Boceh : Jadi baa kok ndak surang juo punya pena di kelas ko Buk?

Undangan Baralek

Si Boceh di ajak pai ka acara baralek lawan kantua apak e.
Pakaian pengantin nyo ndak sarupo jo nan biaso si Boceh caliak. Biasonyo pakai pakaian adaik Minang.. tapi sakaliko pakai pakaian lua nagari. Marapulainyo pakai jas, anak daronyo pakai baju co baju lalok putiah panjang barendo-rendo.

Batanyo lah si Boceh ka amaknyo.

Boceh : Mak, baa kok anak daronyo pakai baju putiah?

Amak : Putih tu manunjuakan inyo sanang hati.

Boceh : Tu baa kok marapulainyo pakai pakaian hitam.

Amak : ^$£÷&$ alah tu jaan banyak bana tanyo waang lai

Boceh : ????

Kalau Lah Tuo

Mak Sudi : Boceh, kalau waang lah tuo nanti, ado tigo pakaro nan pasti waang dapek.

Boceh : Apo tu Mak?

Mak Sudi : Nan pertamo, waang lah mulai palupo. Nan kaduooooooooo.. ondeh waden lupo apo nan katigo jo nan ka ampek nyo

Boceh (dalam hati) : Iyo alah parah bana mah :)

Baraja Matemati aka

Boceh, kalau ado sagaleh aia, 1/6 di minum si Tune, 1/4 di minum si Bas, sisonyo di minum si Codoang.
Baa dek si Codoang minum labiah banyak dibanding si Tune jo si Bas?

Boceh : Si Codoang labiah hauih dari pado si Tune jo si Bas

Guru : £÷^$¥÷*&#£÷

PR si Boceh

Guru : Boceh, lai di tolong apak ang mambuek PR di rumah?

Boceh : Indak Buk

Guru :  Ondeh... baa kok co itu

Boceh : nDak nyo tolong doh Buk. Di karajokannyo sadonyo surang

Guru : &$£÷&$€$* (samo gilonyo)

Barang Nan Ndak Adiak Pakai

Mak Sudi tatangkok tangan dek bininyo sadang selingkuh..

Mrs Sudi : Apo juo alasan awak lai.. lah den caliak bana jo mato kapalo den surang.

Mak Sudi : Niak Den cuma manolong

Wakaktu inyo kecek an ndak punyo baju nan patuik.. waden agiah an baju adiak nan ndak tapakai

Wakaktu inyo kecek an ndak punyo sipatu nan patuik.. waden agiah an sipatu adiak nan ndak tapakai

Wakaktu inyo kecek an ndak punyo sarawa  nan patuik.. waden agiah an sarawa adiak nan ndak tapakai

Mrs Sudi : Tu baa sampai baduo duo dalam kamar

Mak Sudi : Inyo batanyo.. apo lai barang nan jarang adiak pakai... tantu tapaso awak baok ka kamar...

Kirim Baliak Foto Den

Boceh : Jadi, dulu alah ado juo urang pacaran jarak jauah to Mak?

Mak Sudi : Ado lah.. kami dulu ndak ado HP doh.. kami bakirim surek.

Boceh : Sia pacar Mak dulu nan bakirim surek bagai?

Mak Sudi : Ado lah.. dulu wakatu waden sikola di Bandung.. ano di Padang..

Boceh : Iyo jauah yo Mak

Mak Sudi : Sakali wakatu.. antah dek apo? Ano minta putuih.. di mintak nyo foto nyo nan dikirim nyo dulu.

Boceh : Ondeh.. tantu sadiah Mak tu?

Mak Sudi : Iyo lah..tapi kan awak rang minang.. jaan kan ka kalah... samo sajo ndak amuah doh

Boceh : Tu baa cito e jadi nyo Mak?

Mak Sudi : Den minta foto pacar kawan-kawan den.. dapek 6 foto.. den kirim an ka tujuah foto tu ka Padang.. di surek den tulih...mohon maaf, ambo ndak takana nan ma lah foto kau Piak.. ambiak ciek foto ko nan memang punyo kau.. salabiahnyp kirim baliak yo..

Boceh : ^$£×,$&=/*/*(mamak kalera)

#LDR

Alat Bantu Dengar

Mak Sudi, rang paliang kayo di kampuang, lah tambah tuo juo. Pandanganran lah ndak rancak lai.
Pai lah mak Sudi ka Dokter THT.
Kini mak Sudi lah pakai alat bantu dengar. Lah ndak beda talingo nyo jo rang mudo lai.

Sabulan sasudah mamakai alat tu, kebetulan mak Sudi basuo jo dokter THT nyo di pasa.

Dokter : Baa ka mak Sudi. Lai sanang pakai alat nan baru tu?

Mak Sudi : Iyo sanang bana dok. Tarimo kasi banyak.

Dokter : Keluarga mak Sudi tantu sanang kini? Ndak paralu basorak-sorak kalau mangecek lai?

Mak Sudi : 2 minggu pertamo ndak den agiah tahu ka urang lain kalau pakai alaik ko doh. Waden danga se apo kecek urang tu?

Dokter : Ondeh.. kini baa?

Mak Sudi : Lah 4 kali den ubah surek wasiat den.

Tunggu Manangih Dulu

Si Boceh takajuik mandanga bini mak Sudi nan alah tuo malahiakan anak pulo baliak.

Datang lah si Boceh ka rumah mak Sudi.
Duduak lah si Boceh batigo jo mak Sudi jo bini mak Sudi bagai.

Boceh : Salamaik mak. Iyo hebat mak Sudi. Dapek juo anak baru di umua sa iko

Mak Sudi : Alhamdulillah Boceh, tarimo kasi

Boceh : Ma kamanakan baru ambo tu mak? Taragak lo ambo mancaliak? Mirip sia lah ko kini?

Mak Sudi : Ndak bisa kini mancaliaknyo doh Boceh

Boceh : Baa tu mak,  baa ndak buliah awak mancaliak kamanakan baru awak?

Mak Sudi : Tunggu lah inyo manangih dulu.

Boceh (heran) : Baa kok co itu mak?

Mak Sudi : Kami lupo di ma malatak an nyo tadi.

Ka Dokter Lo Baliak

Boceh ka bininyo : Piak.. jadi apo sabanamyo panyakik kau cek dokter tadi

Upiak : Kecek dokter dek stress di runah taruih Da

Boceh : Apo ubeknyo cek dokter?

Upiak : Keceknyo bia tetap sehat harus jalan2 ka Singapore, Thailand, Tokyo Da.

Boceh : Kalau baitu cek dokter, bisuak wak pai

Upiak : Jalan2 ka lua nagari awak.Da?

Boceh : Ndak.... bisuak awak pai cari dokter lain

Waang Sajo Nan Minta Maaf

Salah surang guru di sikolah si Boceh (7 tahun) maningga.

Boceh : Codoang.. awak banyak punyo salah ka apak tu mah.

Codoang : Iyo.. ndak bisa awak minta maaf lai

Boceh : Kalau basuo den jo inyo nanti di sarugo.. waden pasti langsuang minta maaf

Codoang : Kalau apak tu masuak narako?

Boceh : Waang sampaikan sajo maaf dari waden yo

Codoang : Kalegha waang Ceh

6 - 7 tahun

Boceh (6 tahun) : Nyiak, lah bara umua inyiak kini?

Inyiak : Ondeh. Lah lupo inyiak.. maklum lah Inyiak ko lah tuo

Boceh : Boceh bisa tau bara umua Inyiak

Inyiak : Baa caronyo?

Boceh : Caliak di sarawa Inyiak?

Inyiak : Kok di sarawa.?

Boceh : Iyo.. kalau di sarawa Boceh ado tulisannyo 6 sd 7 tahun...

700-1600

Codoang datang sambia marabo-rabo ka kantua perusahaan penerbangan.

Codoang : Waden lah duo hari manelpon ka mari ndak bisa manyambuang doh. Baa citonyo ko.

Reception : ka nomor bara apak manelpon?

Codoang : 7001600

Reception : (heran) itu ndak nomor kami Pak.

Codoang : (marabo baliak) baa lo indak.. itu tatulis di muko kantua ko ha.

Reception : Ooo nan itu.. itu ndak no telp doh Pak. Itu jam karajo kami mah
(07.00 - 16.00)
Codoang : Ooooo

Pelatihan Motivasi

Si Boceh di tarimo karajo. Inyo di kirim untuak ikuik "motivation training".

Supayo nan ikuik training tu punyo tujuan hiduik nan jaleh. Tiok urang di suruah manulis di karateh tantang ka jadi apo tiok peserta tu 5 tahun lai.

Sadonyo mangumpuakan karateh nan lah barisi mimpi surang-surang dalam 5 tahun ka muko.

Tibo-tibo instruktur pelatihan tu basorak lewat pangareh suaro.

Instruktur : Saudara Boceh mohon ke depan.

Boceh : Iyo Pak

Instruktur : Baa dek kosong karateh waang? Kawan-kawan nan lain lah manulis mimpinyo. Baa dek Boceh ndak manulis ?

Boceh : Dalang apak mah.. jaan ka 5 tahun lai.. dima jo manga den saminggu nan lalu se ndak takana dek den doh..

Instruktur : &"£¥÷^#£=*=

Bara Buah Mangga ?

Codoang : Apo nan waang baok dalam kantong asoy tu Boceh?

Boceh : Mangga mah.. bara buah mangga nan den baok? Cubo waang takok? Kalau waang bisa den agiah kan ka duo-duonyo mangga ko ka waang..

Codoang : mmmmmhh 5 buah yo?

3 Permintaan

Sarupo carito-carito jin nan taralah.. si Boceh basuo jin pulo.

Jin : Waang bisa minta 3 permintaan... apo permintaan pertamo waang Boceh?

Boceh (isengnyo mulai) : Awak minta tambahan permintaan.

Jin : Boceh !! ( tabik rabo om Jin ko) Ciek Jin tu cuma bisa untuak 3 permintaan. Ndak buliah ang tambah-tambah doh..

Capek lah.. apo nan ka waang mintak??!!

Boceh : ( sambia manyaringai cangok) Kalau baitu cek om Jin.. awak minta tambahan Jin sajolah agak 3 atau 4 Jin lai.

Jin : Boceh kalera ^$£*@;##**#&#

Saumua Pak Guru

Guru : Boceh.. waag ko mada bana.. tau ndak.. sa umua waang.. Eisntein tu alah jadi juara kelas

Boceh : Iyo Pak Guru.. awak lai baco itu mah.... awak baco pulo di buku lain.. sa umua Pak Guru  tu, Hitler lah mati bunuah diri

Pelajaran Biologi

Guru : Awen, apo nan awak dapek dari ayam?

Awen : Talua buk guru..

Guru : batua, Codoang, apo nan awak dapek dari jawi?

Codoang : Dagiang buk

Guru : Batua, Boceh apo nan awak dapek dari baruak ?

Boceh : PR buk

Guru : :"*@#,&$

Foto Nan Paliang Maha

Si Boceh takajuik dek tarimo SMS dari pengacara nyo mangecekan inyo harus datang ka kantua pengacaratu kini ko juo.

Pengacara :  ado berita kalau bini apak punyo foto lamgka nan bisa dijua sampai 50juta.

Boceh (lega) : syukurlah... ado tambahan untuak balanjo nyo mah

Pemgacara : Iyo.. tapi Boceh nan harus mambayia 50juta tu. Sebab itu foto Boceh jo selingkuhan Boceh

Boceh : Ondeh.. mati den

Si Upiak Sadang "M"

Si Upiak sadang bamain jo si Boceh di halaman rumah.
Tibo-tibo si Upiak dapek menstruasi. Dek iko menstruasi nan pertamo, si Upiak panik. Inyo batanyo ka si Boceh..

Upiak : Dek a kok badarah ko ha?

Boceh : Cubo caliak apo nan badarah tu?

(Di caliak an nyo lah dek si Upiak nan badarah tu ka si Boceh)

Boceh : ooo tangga  buruang kau mah.... patuik lah  badarah

Salah Dokter

Codoang masuak la ruangan dokter nan sadang praktek.

Dokter : Apo keluhan apak?

Codoang : Bisa ndak pak Dokter ndak batanyo.. cari se sakik den apo

Dokter : Kalau gitu apak salah ruangan mah.. dokter hewan ado di subarang jalan.. kalau apak ka situ...ambo yakin dokter ndak ka batanyo keluahan apak doh

Baraja Baso Inggirih

Guru : Boceh, cubo buek kalimat dalam baso inggris yang di mulai jo kato "I"

Boceh : I is ...

Guru (langsuang mamotong) I am bukan I is

Boceh : I am the ninth letter of the alphabet

Guru : Dasar si Boceh €$&÷¥^#£#

Rindu Ramadhan

Boceh : Mak Sudi... awak lah taragak bana puaso di bulan Ramadhan...

Mak Sudi : Alhamdulillah.... Ramadhan juo taragak basuo jo urang-urang nan taragak puaso

Boceh : Ooo gitu mak?

Mak Sudi : Iyo.. makonyo inyo datang 10 hari labiah capek tiok tahun

Sejarah Saruang

Murid sado e. Walaupun tiok daerah di Indonesia itu biaso pakai saruang, tapi sabananyo saruang bukan budaya Indonesia. Saruang berasal dari Yaman.
Dibaok ka Indonesia dek pedagang dari Gujarat.
Nah sia nan tau, kiro-kiro saruang masuak lewat ma?
Boceh bisa jawek ? Saruang masuak lewat ma kiro-kiro?

Boceh : Kalau ndak lewat kaki yo lewat kapalo buk

Guru : ¥&#^÷£&×*$

Batang Jambu di Halaman Rumah

Pulang sikola, dek hari angek jo sadang puaso, si Boceh duduak basanda di batang jambu di halaman rumah nyo.
Dek di sewai angin.. lamo-lamo takalok lah si Boceh.
Tibo-tibo ado buah jambu nan jatuah pas di kapalo si Boceh.. langsuang tajago si Boceh sambia marabo-rabo dek tagaduah lalok siangnyo.
Mak Sudi nan mancaliak kajadian tu langsuang datang ka si Boceh.

Mak Sudi : Ha ha.. baa dek marabo-rabo waang  boceh?

Boceh : Awak sadang lamak lalok. Ado jambu jatuah ka kapalo awak.

Mak Sudi : Boceh, itulah kebesaran Allah untuak awak. Inyo siapkan batang nan rindang untuak bataduah, tapi buah nyo ketek2 sajo. Cubo kalau buahnyo sagadang jo sakareh karambia. Bocor kapalo Boceh dek nyo.

Boceh : Alhamdulillah mak Sudi. Sabana sampurna ciptaan Allah tu.

Kuciang Nyo Samo

Guru : Boceh.. baa dek karangan waang tantang kuciang ko samo jo karangan nyo si Codoang... mancenek waang yo?

Boceh : Ndak buk Guru..   kuciang nyo nan samo... jadi caritonyo samo...

Benua Amerika

Guru : Boceh cubo tunjuak an di peta.. nan ma nan benua Amerika

Boceh : Nan iko buk

Guru : Batua... Kini Codoang, sia menemukan benua Amerika

Codoang : Boceh lah buk.. kan ibuk nan manyuruah cah ko

Guru : Codoang ^$£@&#&#*#*&#

Bara Jadinyo

Di kelas, si Boceh ditanyo guru matematika nyo

Guru : Boceh, kalau waang punyo pitih sapuluah ribu, sudah tu apak ang maagiah waang pulo pitih sapuluah ribu... bara pitih waang kini Boceh?

Boceh : Sapuluah ribu buk

Guru : Payah.. waang ndak tantu caro baretong dong

Boceh : Ibuk nan payah, ndak tantu baa apak den doh

Urang Giloooo

Si Boceh sadang pai ka tampaik kawannyio nan karajo di rumah sakik jiwa.
Tibo-tibo datang lah pejabat antah dari ma langsuang batanyo ka si Boceh :

Pejabat : Pak, banyak nan sakik di siko ?

Boceh : (takajuk dek ditanyo) ooo lai banyak Pak

Pejabat : Baa caronyo apak manantukan urang tu alah cegak atau alun gilonyo ?

Boceh (langsuang kalua mantikonyo, langsuang manjawek) : Ndak payah bana doh Pak, awak suruah nan gilo tu ka kamar mandi, di situ bak mandi alah di isi panuah. Awak agiah ka urang gilo tu sendok jo gayuang. Awak suruah mangosongkan bak mandi tu.

Pejabat (maraso pandai) : Kalau alah ndak gilo, pasti nyo pakai gayuang yo. kan labiah capek... (sambia galak sengeang)

Boceh : Indak Pak, kalau ndak gilo, nyo cabuik sumbek di bawah bak mandi tu,,, kalua aia dalam bak tu kasadoalah e

Bini Den Mancibuak Tadi

Si Boceh sadang di Bank jo bininyo. Tibo-tibo ado perampok nan masuk. Indak pakai topeng, mukonyo cuma ditutuik jo tangan kida, bia ndak dikenal urang, tangan kanan pacik pistol.

Perampok : ndak ado nan buliah mancaliak muko den. Nan mancibuak den tembak.

Tibo-tibo ado nan sok barani mancaliak ka perampok tu... Langsuang kanai tembak

Perampok : itu contoh kalau mancibuak.. Pasti den tembak

Antah apo nan ado di pikiran si Boceh, mungkin dek sadang bacakak jo bininyo. Tibo-tibo si Boceh basorak : Bini den tadi mancibuak !!

Si Boceh Ka Dokter Gigi (Baliak)

Si Boceh pai ka dokter gigi baliak.

Dokter Gigi : Gigi apak lah harus di cabuik mah.. ndak bisa awak ubek an lai.

Boceh : Bara biaya nyo dok?

Dokter Gigi : 300rb

Boceh : Bara lamo tu dok?

Dokter Gigi : Ndak sampai limo minik

Boceh : Ondeh.. karajo limo minik dibayia 300rb.. iyo santiang dokter mah

Dokter Gigi : Kalau nio murah... bia den cabuik agak lamo... lai talok manahan sakiknyo?

Boceh : Ondeh dok.. mambana wak dok... cabuik selah. Makin capek makin elok..

Makan Soto Ciek Lu

Si Boceh tibo-tibo marabo wakatu sadang duduak di kadai Soto "Lamak Bana"

Boceh : Yuang.. waang cubolah soto ko dulu.

Pelayan Kadai Soto : Ndak usah lah Pak. Kami yakin soto nyo ndak ado nan barubah rasonyo.

Boceh : Waang cubo lah dulu.

Pelayan Kadai Soto : Ndak paralu awak cubo Pak. Kami mambuek soto ko lah bapuluah tahun, ndak pernah barubah raso

Boceh : Waang cubo lah... banyak bana carito waang mah.

Pelayan Kadai Soto mulai takuik dek mancaliak si Boceh lah mulai marabo

Pelayan Kadai Soto : Iyo Pak. Awak cubo...
Tapi di ma sendoknyo Pak?

Boceh : Nah.. iyo itu mukasuik den dari tadi.

Ta ujuang

Si Boceh manelpon pacarnyo tangah malam :
Boceh : Sadang manga adiak sayang?
Upiak : Sadang di tampaik tidua sambia makan kacang
Boceh : Kalau uda ado ditampaik tidua adiak? Ka manga adiak ? (Boceh mulai piktor)
Upiak : Tetap makan kacang
Boceh : Mukasuik uda kalau uda ado situ tapi ndak ado kacang, apo nan ka adiak karajokan
Upiak : Pai ka meja makan,  ambiak kacang. Sudah tu makan kacang liak.
Boceh : &£×&#_#(@*

(Kalah waden jo kacang... kalegha mah)

Kamanakan Rang Kayo

SI Codoang datang tangah malam ka rumah si Boceh. Mukonyo bantuak urang ndak makan ampek hari.

Boceh : Baa kaba waang Codoang.. baa dek rusuah  bana waang nampaknyo.

Codoang : Baa ndak ka rusuah... cewek den tau waden ndak punyo apo'apo doh.. mintak putuih nyo tadi...

Boceh : Ndak punyo apo-apo baa ko.. ndak waang caritokan kalau waang kamanakan mak Sudi.. kalau mati mak Sudi.. sado haratonyo jatuah ka waang..

Codoang : Lai den caritokan... kini inyo sadang pedekate kironyo jo mak Sudi

Boceh : Ooo antahlah... iyo malang bana nasib waang mah....

Matematika si Codoang

Boceh : Waang lai mandanga cito guru di kelas tadi Doang?

Codoang : Cito nan ma tu?

Boceh : Cito nilai matematik di sikola awak?

Codoang : ooo apo cito nyo?

Boceh : 75 persen anak sikola awak lai lulus ujian matematik nyo

Codoang : Oooooo mantun.. waden ndak lulus doh... berarti waden masuak di 15 persen nan ndak lulus yo?

Boceh : kuati waang lah.... makonyo waang ndak lulus... 100 - 75 sajo 15 cek waang..... $&€÷&@×&

Jaan Marokok Juo Lai

Si Codoang sadang asik-asik nyo marokok. Tibo-tibo datanglah mak Sudi.

Mak Sudi : Doang.. baranti lah marokok.. sakik waang beko... pendek umua beko

Codoang : mak Sudi... lai kenal jo pak Yuih, urang paliang kayo di Lubuak Basuang?  Kini umuanyo lah 80 tahun..

Mak Sudi : ooo.. baa tu... inyo marokok pulo ?

Codoang : indak.... inyo ndak pernah ma urus urusan urang lain doh.. makonyo inyo kayo jo panjang umua..

Mak Sudi : €#^#^$&$*$ kalera waang mah &/¥*÷&$