Sia Nan Mambali ?

Si Codoang nio manjua oto nyo. Lah nyo iklan kan bagai di koran.
Dek batulis alamat di koran tu, Si Codoang lah ndak barani pai bajalan, takuik kok tibo nan kamambali.

Si Boceh, kebetulan lewat di muko rumah nyo;

Codoang : Ceh, toloang an waden sabamta yo.

Boceh : apo tu?

Codoang : waden ka manjua oto, lah den iklankan, waang tunggu rumah sabanta yo.  Waden ado paralu sabanta.

Boceh : Jadih, kalau ado urang datang, apo nan ka den kecekan

Codoang : oto ko ka dijua 100 juta.

Boceh : bara harago paliang randah dek ang?

Codoang : (binguang) mmmm kalau nio 85 juta lapeh se lah. Rugi saketek ndak baa asa tajua.

Boceh : jadih

Ndak lamo sasudah tu, si Codoang baliak, oto lah ndak ado.

Codoang : ma oto e?

Boceh : lah ta jua.

Codoang : (sanang hati) bara ang jua?

Boceh : 85juta lah

Codoang : Ondeh.. murah bana sabananyo mah... sia nan mambali ?

Boceh : waden nan mambali 😀

Codoang : ;&$£÷&$&*#&#&#&